Siglir tar il cuntegn

Header

video
La clinica holistica a Susch ha s'engrondì
Or da Telesguard dals 08.09.2021.
laschar ir
cuntegn

Clinica Holistica Engiadina Ulteriur pass d’expansiun per la clinica a Susch

La Clinica holistica ha investì 6 milliuns francs en ina nova partiziun cun localitads per novas furmas da terapia.

Cun la Chasa Moser ha la Clinica holistica Engiadina s'engrondì per in ulteriur edifizi, sin total quatter. En la chasa engiadinaisa vis-à-vis la chasa principala, ha la clinica privata realisà per 6 milliuns francs novas localitads per biros, ina halla da raiver e stanzas da terapia.

audio
Proxims pass d'investiziuns
03:08 min, Actualitad dals 09.09.2021.
laschar ir. Durada: 03:08 minutas.

Schelar per guarir

Tenor il president dal cussegl administrativ da la Clinica Holistica Engiadina, Mattias Bulfoni, saja la terapia da «cryo» ozendi la nova metoda per vegnir a frida cun differentas malsognas. Tranter auter er dolurs, depressiuns u disturbis dal sien.

Jau hai sez empruvà ora la cabina che vegn sfradentada giu sin 110 grads sut nulla. Uschè bain n’hai jau betg pli durmì dapi passa 30 onns.
Autur: Mattias Bulfoni Fundatur Clinica Holistica Engiadina
audio
Investiziun en persunal e terapia
03:13 min, Actualitad dals 09.09.2021.
laschar ir. Durada: 03:13 minutas.

Ultra da la nova purschida cun temperaturas fraidas en la Chasa Moser, datti nov er ina cun chaudas en la chasa principala.

Fevra per dar forza

Tar la terapia dad ipertermia, vegn il corp stgaudà en in letg spezial sin ina temperatura da 38,2 grads. Quai rinforzia il sistem d’immun e gidia uschia er encunter depressiuns, suttastritga il schef-medi da la clinica, Michael Pfaff.

 Cun realisar il nov bajetg, ha la Clinica Holistica Engiadina stgaffì er novs biros per il persunal. Quel era enfin uss da chasa en il tract principal. En consequenza èn vegnidas libras ulteriuras localitads per porscher plazza a novs pazients. Quai che fetschia er da basegn, uschia Mattias Bulfoni. La glista da spetga per ina plazza en la clinica saja anc adina fitg lunga.

Gia novs plans.....

Il favrer 2021 ha la clinica privata cumprà in ulteriur edifizi, la «Chasa Jassa». Previs è da colliar quella cun la clinica e realisar en il decurs da l’onn proxim ina nova cuschina e suitas per pazients privats. Il fundatur da la Clinica Holistica Engiadina, Mattias Bulfoni, discurra d’ina investiziun da var dus milliuns francs.

 Actualmain èn 70 pazientas e pazients en la clinica a Susch. Il dumber d’emploiads saja entant creschì sin 140, uschia il fundatur tut superbi.

audio
Sguard enavos ed enavant
03:15 min, Actualitad dals 09.09.2021.
laschar ir. Durada: 03:15 minutas.

RTR novitads 06:00

Artitgels legids il pli savens

Scrollar a sanestra Scrollar a dretga