Siglir tar il cuntegn

Header

cuntegn

Engiadina Clinica Holistica vegn engrondida

La clinica a Susch ha cumprà ina nova chasa gist visavi a l'edifizi principal. Quai rapportan las gasettas da Somedia. En tut ha la Clinica Holistica uss trais chasas.

La nova chasa duai vegnir renovada ils proxims mais. En quel edifizi sajan planisà biros sco era in local da retratga. Vinavant duess la stalla da quel edifizi vegnir renovada. Là saja planisà in center da sport per terapias speziala. Cun la terza chasa creescha la clinica spezialisada sin burnout otg fin diesch novas plazzas da lavur.

La clinica saja adina plaina e las chombras ed ils locals da terapia al limit, ha ditg Mattias Bulfoni, president dal cussegl d'administraziun a las gasettas. En media hajan els mintg'emna 50 fin 60 pazients. Cun la terza chasa possian els augmentar la capacitad sco era la qualitad.

L'avertura dal nov edifizi è previs per l'onn 2020.

RR novitads 06:00

Artitgels legids il pli savens