Per il campiunadi mundial da snowboard e freestyle il 2025 Engiadina San Murezzan ha la vischnanca da Segl deliberà in credit da 492’000 francs. Unanimamain ha la radunanza communala ditg Gea venderdi saira. 350'000 francs da quels daners vegnan duvrads per l'infrastructura e 142'000 francs per l'occurenza sezza.
«Sils Baselgia Biblioteca»
Per ina nova fermada da bus ha la radunanza communala da Segl approvà unanimamain in credit da 78'000 francs. Quella remplazza la fermada Dotturas tar l'anteriura plazza da la posta ed è da nov avant la biblioteca. La fermada duai survegnir il num «Sils Baselgia Biblioteca». Per far la midada dovra quai anc il consentiment da l'Uffizi federal da traffic.
Promulins
Plinavant ha Segl detg Gea al supplement dal contract d'obligaziuns per acziunaris tranter las vischnancas Segl, Silvaplauna e San Murezzan (vischnancas sura) e Schlarigna, Pontresina, Samedan, Bever, La Punt Chamues-ch , Madulain, Zuoz e S-chanf (vischnancas sut) partentn Promulins SA.