A l'um da 38 onns vegn renfatschà d'avair vendì bunamain 1,5 kilos cocain e marihuana dapi l'onn 2019 en l'Engiadin'Ota. Plinavant haja el er consumà meds narcotics, scriva la Polizia chantunala en ina communicaziun. Or da ses commerzi cun drogas ha la polizia chattà passa 10'000 francs tar l'um. Arrestà ha la polizia il delinquent gia la primavaira e tegnì a ferm el provisoricamain.
Plinavant inculpescha la polizia circa 40 persunas tranter 18 e 46 onns d'avair cumprà meds narcotics. Uss cura che las inquisiziuns èn idas a fin survegnan ellas ina denunzia tar la Procura publica dal Grischun.
Legenda:
Utensils, daners e drogas che la polizia ha confiscà.
Polizia chantunala GR
audio
Per tadlar: Novitads grischunas da las 12:00
ord RTR Audio dals 13.10.2022.
laschar ir. Durada: 6 minutas 6 Secundas.