Siglir tar il cuntegn

Header

Staziun da Mals, Tirol dal Sid
Legenda: Staziun da Mals, Tirol dal Sid RTR, Georg Luzzi
cuntegn

Colliaziun Engiadina – Tirol Ina decleraziun d’intent suttastritga l’interess

Las regiuns da la «Terra Raetica» han suttascrit ina decleraziun d’intent per promover ina colliaziun internaziunala per meglierar la relaziun da traffic da viafier.

Il Grischun, il Tirol dal Sid ed il Tirol dal Nord ensemen cun la provinza da Bulsaun han suttascrit ina decleraziun d’intent per promover ina colliaziun internaziunala da viafier. Cun quest intent duessan ils centers d’aglomeraziun sco Turitg, Minca e Milaun vegnir pli datiers.

Ina gruppa da lavur tecnica cun persunas da tut ils trais pajais duain ussa sa fatschentar cun la lingia dal traject. Sin maisa èn pliras variantas e colliaziuns sco per exempel da Scuol en direcziun Val Müstair cun ina colliaziun cun il Tirol dal Sid, ma era la colliaziun tranter Scuol ed il Tirol dal Nord.

Per coordinar tut las lavurs duain las regenzas da las regiuns s'inscuntrar ina giada l’onn per coordinar las lavurs. Tenor infurmaziuns dal manader da l'Uffizi d’energia e traffic dal chantun Grischun, Thomas Schmid ha quest project auta prioritad. Il project stat però anc al cumenzament da las lavurs. Mintga pajais sto era far patratgs sco proseguir cun il trassé en lur agen pajais per evitar la situaziun sco tar la NEAT nua ch'i dat en l'Italia ed en Germania anc problems.

Tenor Thomas Schmid ston ins betg anc far quint cun la realisaziun d’ina colliaziun ils proxims 10 onns.

RTR actualitad 12:00

Artitgels legids il pli savens

Scrollar a sanestra Scrollar a dretga