Siglir tar il cuntegn

Header

Maurizio Michael - portrait, in um en media vegliadetgna, cun chavels in zic pli lungs cun ritschs, chamischa blaua e tschop anthrazit.
Legenda: Maurizio Michael MAD
cuntegn

Comune di Bregaglia Ed uss èni trais: Er Maurizio Michael va en cursa

Gia annunzià lur candidatura per il post da president communal da Bregaglia, han Marco Giacometti e Fernando Giovanoli.

Maurizio Michael è dapi il 2010 deputà dal Cussegl grond ed è stà dal 2005 fin il 2009 president communal da Castasegna. Sco sia partida, la PLD, scriva, haja el rimnà durant blers onns experientschas politicas sin divers livels. El haja l'experientscha administrativa, il spiert innovativ e creativ e la cumpetenza sociala che la rolla sco «sindaco» pretendia. En pli duai la populaziun avair ina schelta, in giavisch che saja vegnì exprimì gia tar las elecziuns communalas da l'atun 2019.

Maurizio Michael è il terz candidat che va en cursa per il presidi da la vischnanca da Bregaglia. Ils auters dus èn Marco Giacometti e Fernando Giovanoli.

Successur per Anna Giacometti

La sindaca actuala, Anna Giacometti, ha decidì il mars da dar giu il presidi da Bregaglia. Quai suenter ch'ella era vegnida elegida l'october passà sco cussegliera naziunala.

Marco Giacometti è il frar dad Anna Giacometti ed aveva pers il settember 2019 l'elecziun cunter sia sora. El sa metta damai a disposiziun anc ina giada. Fernando Giovanoli è candidat independent ed architect.

Enfin ils 8 da matg pon ins anc inoltrar candidaturas. L'elecziun è ils 7 da zercladur 2020.

RTR novitads 12:00

Artitgels legids il pli savens

Scrollar a sanestra Scrollar a dretga