Il project «Plan Lumière» na cumpiglia betg be ils aspects estetics e da segirezza quai che pertutga l'illuminaziun, la vischnanca vul er resguardar ils aspects ecologics ed economics. E cun far il project da pilot ad Ardez, ina tipica vischnanca engiadinaisa – èn avant maun tut ils differents tips da vias, giassas e plazzas. Cun la tur Steinsberg schizunt in monument istoric.
La finamira dal project è da spargnar forz’electricra, di il directur da Energia Engiadina Claudio a Porta. Ma i giaja er per diminuir marcantamain la polluziun da glisch. La mesemna saira ha la cumissiun d’energia da la vischnanca da Scuol infurmà la populaziun da la fracziun d’Ardez dal project da pilot. La finamira saja lura, da realisar ina nova illuminaziun en tut las fracziuns.