Siglir tar il cuntegn

Header

video
Concertar senza public, dentant via livestream
Or da Telesguard dals 26.04.2021.
laschar ir. Durada: 3 minutas 39 Secundas.
cuntegn

Concert Academia Engiadina Era senza public in event nunemblidaivel

La sfida tecnica è gronda – ma il plaschair è anc pli grond. Scolaras e scolars da l’Academia Engiadina èn cun corp ed olma latiers.

L’onn passà han ins stuì desister sin il concert tradiziunal dal cor da scola e da la band da l’Academia Engiadina. Quest onn percunter han ins fatg gronds sforzs per pudair tuttina realisar il concert.

Il cor e sia band èn enconuschents en la val. Las scolaras e scolars s'identifitgeschan cun el – quai è il motiv malgrà la pandemia.
Autur: Sigi Asprionmanader da la direcziun

Ensemen cun duas firmas spezialisadas han ins organisà in livestream en il Rondo a Puntraschigna. Radund 40 scolaras e scolars, tuts sin distanza in da l’auter, mintgin cun ses agen microfon.

audio
Concert via livestream - las sfidas
ord Actualitad dals 26.04.2021.
laschar ir. Durada: 3 minutas 44 Secundas.

Rock'n pop il tema dal concert

Tocs da Amy Winehouse, Adele, Red Hot Chili Peppers, Rhianna e auters pli èn stads sin il program. Betg mo per las chantaduras e chantadurs ensemen cun la band, era per ils set tecnicists da tun, purtret e glisch, ina sfida.

Era senza in public che reagescha e splatscha, per las scolaras ed ils scolars è quai stà ina experientscha tut speziala - in eveniment extraordinari. Ed il meglier per las giuvnas e giuvens students – il concert pon ins ussa proseguir adina puspè, trametter il link, dar ina det amunt u aval e precis quai vegnan els a far ussa sin las plattafurmas socialas.

RTR actualitad 07:00

Artitgels legids il pli savens

Scrollar a sanestra Scrollar a dretga