Engiadina - Concurrenza da project per sanar scola Grevas
Il Cussegl communal da San Murezzan ha approvà in mez milliun francs en il preventiv 2018 per il project da la renovaziun da la scola Grevas. Uschia po cuntinuar la planisaziun per la sanaziun sco era per ils provisoris durant il temp da construcziun.
Plinavant ha il Cussegl communal da San Murezzan fatg pliras adattaziuns pitschnas vi dal preventiv 2018. Era è la suprastanza communala vegnida incumbensada da preschentar en la segunda audiziun pliras infurmaziuns pli detagliadas concernent il preventiv. En duas emnas tracta il cussegl alura en segunda audiziun il preventiv 2018 cun la finamira da pudair preschentar quel a la radunanza communala dals 12 da december.
