Siglir tar il cuntegn

Header

Navigaziun

Legenda: Guardar il video Il Schweizerhof serrà manca a l’economia jaura. Durada 02:32 minutas.
Or da Actualitad video dals 02.02.2016.
cuntegn

Engiadina Concurs dal Schweizerhof ha consequenzas

Las butias da commerzi en detagl e la branscha turistica sentan ch'ils giasts dal hotel Schweizerhof mancan.

Hans Conradin da la butia en vischnanca a Sta. Maria ha ditg a Radiotelevisiun Svizra Rumantscha RTR, ch'el haja vendì surtut verdura e fritga al Schweizerhof. Per sia pitschna butia saja in hotel sco il Schweizerhof existenzial. Main dramatica è la situaziun da la furnaria Meier-Beck. La patruna Lucia Meier ha ditg, che la furnaria exporteschia 80% da la producziun da specialitads en il rest da la Svizra. Uschia na sajan els betg dependents sulettamain dal turissem en Val Müstair.

«Tschients da persunas mancan»

Il guid da turas cun gianellas Rinaldo Salvett percunter discurra da «tschients da persunas» che mancan. El haja fatg durant onns gitas cun giasts dal Schweizerhof, quels mancan ussa. El na sappia betg co che quai duai ir vinavant. Ils giasts da l'emprima emna da favrer haja el per fortuna pudì plazzar en in auter hotel.