-
Bild 1 von 18. Il chanal d'aua provisoric da l'Ara Furnatsch è actualmain en funcziun. Bildquelle: RTR, Anna Caprez .
-
Bild 2 von 18. Peter Plebani ed Yves Quirin. Bildquelle: RTR, Anna Caprez .
-
Bild 3 von 18. Il material per tut l'armadira dal project regiunal. Bildquelle: RTR, Anna Caprez.
-
Bild 4 von 18. Il project da la nova serenera ARO dador S-chanf duai esser en funcziun dal 2021. Bildquelle: mad.
-
Bild 5 von 18. Il pli grond plazzal da fabrica en Engiadina è actualmain la serenera regiunala. Bildquelle: RTR, Anna Caprez .
-
Bild 6 von 18. In grond parc da maschinas. Bildquelle: RTR, Anna Caprez .
-
Bild 7 von 18. Bler fer e bler betun sin il plazzal da fabrica da la nova serenera regiunala. Bildquelle: RTR, Anna Caprez .
-
Bild 8 von 18. Sper il plazzal da fabrica è anc ina part da la serenera Furnatsch en funcziun. Bildquelle: RTR, Anna Caprez .
-
Bild 9 von 18. Il terren sin l'areal da la nova serenera na consista betg be da terren da chaltschina. Bildquelle: RTR, Anna Caprez .
-
Bild 10 von 18. Ils proxims mais en plaina funcziun. Bildquelle: RTR, Anna Caprez .
-
Bild 11 von 18. Christian Ellemunter, collavuratur da la serenera Sax a Bever. Bildquelle: RTR, Anna Caprez.
-
Bild 12 von 18. Pala e chapellina èn obligatoric sin il plazzal da fabrica. Bildquelle: RTR, Anna Caprez .
-
Bild 13 von 18. Grazia als pals è il fundament dal bajetg segirà. Bildquelle: RTR, Anna Caprez.
-
Bild 14 von 18. Il terren consista per gronda part da chaltschina, perquai vegn tut fabritgà sin pitgas. Bildquelle: RTR, Anna Caprez .
-
Bild 15 von 18. Survista davent da la plattafurma da visitaders. Bildquelle: RTR, Anna Caprez .
-
Bild 16 von 18. Visitaders han ina buna vista sin il plazzal davent da la plattafurma. Bildquelle: RTR, Anna Caprez .
-
Bild 17 von 18. L'unica tabla da reclama sin il plazzal da fabrica è quella da la ARO. Bildquelle: RTR, Anna Caprez .
-
Bild 18 von 18. Infurmaziuns davart il project datti er sin la plattafurma per visitaders. Bildquelle: RTR, Anna Caprez .
La nova serenera ARO a S-chanf è in project che remplazza las trais sereneras a Schlarigna (Staz), Bever (Sax) e S-chanf (Furnatsch). Il project custa 76,5 milliuns francs e correspunda a las prescripziuns actualas davart tecnologia ed effizienza ed è er persistent.
Pli economic
La soluziun regiunala d’ina unica serenera per ils abitants tranter San Murezzan e S-chanf, è dad ina vart pli ecologica, ma il project è er cun ils custs da gestiun da 6,13 milliuns francs pli economic che sanar e cuntinuar cun las trais sereneras existentas.
Modular e flexibel
Il concept da la nova serenera ARO prevesa parts flexiblas, nua ch’ins pudess engrondir l’implant cun singuls moduls. Concepida è la serenera regiunala per 75’000 abitants. Per elavurar pli svelt ed effizient durant il temp d’auta stagiun l’aua malnetta che riva en la nova serenera ARO, vegnia gidà er cun chemia, ha declerà Yves Quirin da l’Uffzi per la natira e l’ambient. Normalmain fan dentant las bacterias la gronda lavur.
Las bacterias vegnan en la serenera cun la chanalisaziun, sa sentan bain e sa multiplitgeschan ina giada il di.
Collavuraziun regiunala
Per realisar la nova serenera ARO, per part sin l’areal existent da la veglia serenera Furnatsch, han las vischnancas surdà entant 34 milliuns francs per lavurs. Quai per gronda part ad interpresas indigenas u svizras. La lavur da construcziun è surdada ad ina gruppa da cuminanza da quatter interpresas. Actualmain vegnan furmads ils clutgers da betun per la belma. Fin la fin da quest onn duess la miraglia da betun esser pronta. Proxim onn segua lura il tetg d’atschal da l’edifizi principal e las installaziuns tecnicas cun lingias e chanals.
In grond plazzal da bajegiar
En tut vegn duvrà tenor Markus Berweger, il maina project durant ils proxims dus onns, bler material per il nov implant regiunal. Numnadamain:
- 3’100 tonnas atschal d’armadira
- 23’000 cubics betun
Sco ch’il commember da la suprastanza da la ARO, Peter Plebani ha confermà sin il plazzal, proseguan las lavurs tut tenor plan. Quai malgrà il lung temp d’enviern.
Il svilup da l’implant pon ins proseguir grazia a duas webcams via rait. Quai che è capità durant l’emprim onn, ves'ins qua:
Svilup da las lavurs...
RR actualitad 12:00
