Siglir tar il cuntegn

Header

uffant avant cartas da logopedia
Legenda: Maletg simbolic Keystone
cuntegn

Contract da logopedia Adattaziuns da San Murezzan na plaschan betg als Samedrins

Dapi l'onn 1990 datti in contract tranter las duas vischnancas San Murezzan e Samedan che regla mesiras logopedicas. Las adattaziuns che San Murezzan prevesa uss na plaschan dentant betg als Samedrins. 

Prevesida è ina centralisaziun dal servetsch a San Murezzan. Quai na saja dentant betg ideal per la scola communala da Samedan, scriva la vischnanca en ina communicaziun. La logopedia haja dad esser pli datiers als uffants e betg chaschunar lungs viadis per ina consultaziun. Ultra da quai dovri er ina cussegliaziun logopedica en lingua rumantscha.  

Soluziun a curta vista

Cun quai ch’ina midada a reguard il persunal n’è betg pussibla per il mument, accepta Samedan la situaziun transitorica. Per la stad 2022 vegnia dentant tschertgà nov persunal. A partir da là spetga Samedan ch’i dettia almain er ina fin duas giadas l’emna termins da consultaziun en vischnanca. Ultra da quai duai er vegnir resguardada la lingua rumantscha.

Per il cas che quellas adattaziuns n’avessan betg da funcziunar, ponderass la vischnanca da Samedan er da schliar il contract existent.

audio
Per tadlar: curt e cumpact
ord RTR Audio dals 25.01.2022.
laschar ir. Durada: 1 minuta 13 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga