Sco che la Clinica Holistica Engiadina communitgescha, è vegnì registrà la mesemna in emprim cas da corona.
Ils uschè numnads Contact Tracers da la partiziun chantunala da COVID, hajan contactà immediat las persunas potenzialas che han gì contact cun la persuna infizada.
Obligatori da mascra
Ultra da quai ha la clinica intensivà las mesiras da protecziun. Tranter auter vala a partir dad immediat in obligatori da mascrina. E quai per ils pazients ed ils collavuraturs en las differentas chasas a Susch.
A las 4 persunas en isolaziun e las otg persunas en quarantina giaja bain. Ellas sajan adina en contact cun il schefmedi e vegnian tgiradas tras ils Contact Tracers, scriva la Clinica Holistica Engiadina en ina communicaziun.