Siglir tar il cuntegn

Header

cuntegn

Engiadina Corvatsch SA investescha 27 milliuns francs

La Corvatsch SA investescha 27 milliuns francs ils proxims 5 onns. Per ils raps datti 3 novas sutgeras ed ina nova pista en il territori da skis Corvatsch. Novas cabinas per la pendiculara Furtschellas ed ina nova staziun a val cun hotel a Furtschellas.

A chaschun da la radunanza generala dals acziunaris, ha la Corvatsch SA infurmà davart las investiziuns en il futur. Malgrà u gist perquai che mo pli 40% dals giast van cun skis, investescha l’interpraisa en nova infrastructura. Il martgà internaziunal mussa numnadamain che l’interess al sport d’enviern crescha.

Project lej dals chöds vegn observà, ha dentant betg prioritad

audio
Saira: Corvatsch SA investescha 27 milliuns francs
ord Actualitad dals 24.04.2015.
laschar ir. Durada: 3 minutas 48 Secundas.

Entant che la San Murezzan Mountains SA persequiteschan cun prioritad la colliaziun cun ina pendiculara tranter Corviglia e Corvatsch, na fa l’interpraisa a Silvaplauna betg activamain insatge per la pendiculara da colliaziun. Els sustegnan il project, ins stoppia dentant savair che quai dovria onns mo schon per la planisaziun. Pir cura che questa fiss fatga, pudess ins discurrer davart la dumonda sche questa fetschia senn u betg. Entant ha questa stagiun d’enviern procurà in bus per la colliaziun tranter San Murezzan e Surlej. 14’000 persunas han ins transportà.

Artitgels legids il pli savens