Legenda:
La nova sutgera dal Corvatsch porscha plaz per sis persunas.
corvatsch.ch
cuntegn
Engiadina - Corvatsch sposta avertura da sutgera Curtinella
La nova sutgera da sis al Corvatsch sur San Murezzan na po betg vegnir averta damaun sco previs. Tenor las pendicularas manca anc ina lubientscha da l'Uffizi federal da traffic.
L'emna che vegn saja previs da liquidar las lavurs pretendias uschia che la sutgera da Curtinella possia sin il plir tard vegnir messa en funcziun la sonda en in'emna, ils 26 da november 2016, scrivan las pendicularas Corvatsch.
Sin l'aventura da la stagiun n'ha quai però nagina influenza. Quella cumenza damaun sco previs.
