Siglir tar il cuntegn

Header

cuntegn

Engiadina Corvatsch sposta l'avertura da la stagiun da skis

Causa mancanza da naiv han las pendicularas da la Corvatsch SA spustà la data per cumenzar la stagiun d’enviern sin il pli baud ils 28 da november. Prevesì fiss stada la fin d'emna dals 20 da november 2015.

Las temperaturas ch’èn actualmain extraordinari chaudas e la mancanza da naiv sforzan la societad da la Corvatsch SA da spustar ad interim il cumenzament da la stagiun d’enviern. Cun quai è er l’avertura da la nova sutgera Mandra spustada fin almain ils 28 da november 2015.

Invit per in apero

Sco che las pendicularas Corvatsch SA scrivan in lur communicaziun fatsch ins tut il pussaivel per lantschar la stagiun da skis proximamain. Per la fin d'emna da l'avertura envida l'interpraisa gia uss a tut la populaziun ad in aperitiv tranter las 10 e las 14 h.

Artitgels legids il pli savens