Siglir tar il cuntegn

Header

cuntegn

Credit Institut Otalpin Ftan paja enavos 3 milliuns francs

L’onn 2016 aveva la vischnanca dà in credit da 3 milliuns francs a l’institut Otalpin Ftan pervia da problems finanzials. La fin da quest onn scada il termin da pajar enavos quel.

Annullaziun da dretg da cumpra e precumpra

Tras questa restituziun vegn annullà il dretg da cumpra e precumpra da la vischnanca da Scuol. Er sche la durada dal dretg da cumpra durass anc in onn pli ditg e quel da precumpra fin l’onn 2040, è la suprastanza da Scuol da l’avis ch’ina annullaziun anticipada fetschia senn, co ella scriva en la missiva per la radunanza communala. Quai oravant tut per simplifitgar a la nova possessura dal Institut Otalpin Ftan – il Dulwich College – las finanziaziuns per investiziuns planisadas, scriva la vischnanca en la missiva. Vinavant n’exista tenor la suprastanza nagin privel da proteger l’immobiglia da speculaziuns a curta vista.

La radunanza communala decida ils 4 october davart questa fatschenta.


Ord l'archiv

Ils da Scuol han stuì decider il 2017 schebain il credit da 3 milliuns francs per l'Institut Otalpin a Ftan vegn prolungà.

video
Scuol decida davart l'avegnir da l’Institut Otalpin a Ftan
Or da Telesguard dals 27.03.2017.
laschar ir. Durada: 1 minuta 43 Secundas.

RTR novitads 12:00

Artitgels legids il pli savens