Siglir tar il cuntegn

Header

Navigaziun

cuntegn

Critica da IG White Turf La structura da la cursa da chavals na cuntenta betg

Memia paucs daners da premi, memia paucs chavaltgaders e memia paucs events a l'ur. Quai è la critica davart la IG White Turf vers il turnier da tradiziun a San Murezzan. Quai è da leger en la Posta Ladina.

Il White Turf a San Murezzan chaschuna lingias grassas en la gasetta dal fatg «Galopp intern». La cuminanza d'interess White Turf crititgescha fermamain las structuras dal turnier. Tranter auter vegn crititgà:

  • Cursas èn dotadas memia bass, perquai han ins pli paucs chavaltgaders.
  • Mancanza d'in program accumpagnant sco i tutga

Per il president da la suprastanza dal White Turf, Thomas Walther, è quella critica dentant nungiustifitgada. Ed er la vischnanca da San Murezzan è cuntenta cun l'organisaziun da la cursa da chavals sco fin ussa. Cunzunt er perquai ch'il focus giascha sin la segirtad e sin las finanzas.

La IG White Turf na fa dentant betg be critica, ella vuless gist surpigliar l'organisaziun da questa occurenza. Ils 10 da settember ha lieu la radunanza generala e là vegn lura gist proponì ina nova suprastanza. Sco president stat l'interprendider Markus Kirchgeorg a disposiziun.

Ord l'archiv

Legenda: Guardar il video White Turf: Chavals pon star 3 emnas en la nova stalla. Durada 03:03 minutas.
Or da Telesguard dals 11.02.2019.

RR novitads 12:00