Siglir tar il cuntegn

Header

cuntegn

Engiadina CSI San Murezzan survegn permiss cun cundiziuns

Il permiss vala sut la cundiziun ch'ils organisaturs adempleschian anc in pèr punct averts. Fin ils 20 da fanadur ston quests esser liquidads. Sche quai fiss betg il cas, n'avess l'ediziun 2016 dal CSI a San Murezzan betg lieu. Quai scriva la vischnanca en ina communicaziun.

Fin ussa è la gronda part da las cundiziuns che la vischnanca aveva fatg il mars ademplida. Perquai haja la suprastanza decidì da lubir l'eveniment sin il prà da Polo era per la segunda ediziun, quest'on. Quai dentant mo sche era las davosas cundiziuns èn ademplids fin ils 20 da fanadur 2016. Tenor la suprastanza vegn quai dentant ad esser nagin problem.

Las cundiziuns che ston anc vegnir ademplidas

  • il contract da leasing per il sablun ed ils contracts cun ils sponsurs ston vegnir surdads ad in biro fiduziar, che examinescha tut ils documents.
  • Plinavant ston las mesiras da segirezza e dal traffic sco il duvrar da tut l'areal esser analog a l'onn passa.

Il CSI 2016 è planisà per ils 25 fin 27 d’avust.

RR novitads 11:00

Artitgels legids il pli savens