La natira es sias surpraisas
-
Bild 1 von 3. L'istorgia dal capricorn. Bildquelle: RTR, Georg Luzzi.
-
Bild 2 von 3. la grusaida – la fluor prediletta. Bildquelle: RTR, Georg Luzz.
-
Bild 3 von 3. Il schember – il bostg plain surpresas. Bildquelle: RTR, Georg Luzzi.
Ina matta indigena mussa ad in mat vegnì natiers las bellezzas da la natira. En il cudesch preschenta Arina Carpanetti il schember e la grusaida, plinavant il capricorn e la muntanella. Tim ed Aita èn duas persunas fictivas: Aita, l'indigena ch'enconuscha bain la natira e s’allegra da mussar tut era a Tim.
Griosch sco lieu d’inspiraziun
La inspiraziun per scriver quest cudesch ha Arina Capranetti chattà là, nua che sa chatta la chamona dals Capanettis: Griosch. Quai è ina regiun cun pliras chamonas oravant tut da chatscha en la vischinanza da la fracziun da Vnà (Valsot). Arina Carpanetti ama quel lieu e sa chatta là dachasa.
Cun agid da sponsurs ha ella stampà 50 cudeschs. Ina part da quels ha ella dà a las scolas da la vischnanca da Scuol che han gì plaschair da preleger las scuvridas da Tim ed Aita. Arina Carpanetti ha realisà quest cudesch per uffants en il rom da sia lavur da matura. Ella finescha la scola a l'Institut Otalpin a Ftan proxima primavaira, e vul daventar magistra primara.