Il 1621 s’han las dunnas posiziunadas cun armas ed utensils agriculs per sa defender da l’armada austriaca, sut il commando dal colonel Alois Baldiron. Ma la victoria ha durà sulettamain in di, gist il di suenter han els attatgà da nov la vischnanca da Scuol e bainbaud era l'entira Engiadina en mauns dal colonel. Ma quel di è restà en memoria e quai vulan ussa las duas baselgias regurdar, ensemen cun raquints da l’istorgia da scolaras e scolars da Scuol, cun musica e chant.
La baselgia San Geer
Fabritgada oriundamain sco baselgia catolica ha quella baselgia midà adina puspè dals catolics als refurmads. Dapi il 1641 è quella però restada ina baselgia refurmada. Unic punct ch'è restà ord l’istorgia capitada il 1621 è che las dunnas sesan anc oz da la vart dretga ed ils umens da la vart sanestra en baselgia San Geer a Scuol.