In stan a Scuol, davos quel, Alfred Laurent ensemen cun ses sir ed auters gidanters. Els repartan infurmaziuns e vulan persvader ils passants da daventar donatur d'organs.
L'istorgia persunala dad els ha motivà Alfred da s'engaschar per questa chaussa. Ils 7 october 2015 ha la dunna retschavì la diagnosa cancer sin il gnirom. Ils mais sequents ha Anita stuì laschar operar diversas giadas ed er gì divers tractaments – ma senza success.
In nov gnirom – l’unica opziun
Suenter bleras controllas ha finalmain Alfred la pussaivladad da dar a sia dunna ina part da ses gnirom. Ma i dat cumplicaziuns. La donaziun na funcziuna betg sco giavischà. Suenter set mais alura finalmain in segund gnirom. Trais onns èn ussa passads dapi l’emprima diagnosa.
Cun mai vai tiptop e mia dunna stat oz era bain – nus essans fitg cuntents.
Il stan a Scuol para d'avair success. A passa 100 persunas ha el ensemen cun ils gidanters persvadì e declerà sur da l'impurtanza da daventar in donatur d'organs.
RR actualitad 12:00