L’emprim equipament per ir a scola è in’investiziun pli gronda. Perquai survegnan ils uffants savens lur satg da scola cun etui e tastga da gimnastica sco regal da Nadal u d’anniversari e quai da pliras persunas ensemen. L’agitaziun curt avant che l’onn da scola cumenza, saja adina fitg gronda.
Ils ins arrivan gia emnas avant cun ina glista, auters dovran anc l’ultim mument material che la magistra ha notà sin ina glista.
Gia dapi plirs decennis n’è betg pli il turnister da tgirom il med per transportar a scola il material. Ils turnisters èn pli adattadas, quai surtut per schanegiar il dies, declera la possessur da la butia Magni a Zuoz. Actualmain saja en trend ina marca ch'è furmada anc pli ergonomica.
Malgrà che la purschida da material per ir a scola è er avant maun en las butias pli grondas, vegnian las pli pitschnas anc adina resguardadas ferm cura ch’i va per l’equipament pli spezial.