A Sent datti da scuvrir bler, surtut sin il champ cultural. In dals epicenters è la baselgia San Lurench, pertge là datti durant tut l’onn bleras occurrenzas e concerts. Per l’emprima giada è vegnì organisà in festival cun in concept tut spezial. E la situaziun da corona ha permess duas sairas cun in grond public.
Il festival «cun sal e paiver» e «Mit alles und scharf!»
Venderdi e sonda passada èn stads 5 concerts sin il program. Las musicistas e musicists: Ils Janetts cun Madlaina, Anna Staschia, Cristina, Niculin, Mats, Curdin, Braida, Sara Bigna e Domenic – accumpagnads da Elizaveta Parfentyeva, Balthasar Streit e Barbara Gisler. Quai ha gia procurà per grond interess.
Per musicistas e musicists è quai er stà in plaschair da sa pudair preschentar en pliras furmaziuns e cun stils differents. E far in program tenor il motto dal festival n'è betg stà ina sfida:
La gronda dumonda: tgi suna cura?
La surpraisa è stada il fil cotschen dal festival. Tgi ch'eran las musicistas ed ils musicists era enconuschent. Però nagin na saveva, tgi che sunava e chantava tar tgenin dals 5 concerts. Nagin impediment per giudair duas bellas sairas.
Bleras gidantras e gidanters
Per organisar in tal festival èsi er necessari d’avair sustegn da voluntarias e voluntaris. Chattar 30 persunas che gidan: a Sent nagin problem.
Il public è stà numerus a l'emprim festival cun sal e paiver, e dapertut fatschas cuntentas. I saja stà in giudiment da pudair ir puspè a concerts:
Tgè manegia il public
Andri Gritti – organisatur e motivatur instancabel
Il festival «cun sal e paiver» è il pli nov project da Andri Gritti, magister a Sent e promotur da cultura e sport. El ha mess ad ir blers eveniments en la vischnanca en l’Engiadina Bassa. Uschia ha el inventà la «Staffetta tras Sent», turniers da ballarait, viadis per guardar operas a Puntina – ed el è er stà blers onns co-organisatur dal «Kino Openair». L’onn proxim vegn el 65 e lura va el en pensiun. Però metter ad ir ed organisar eveniments, quai vegn a restar impurtant per el.
-
Bild 1 von 10. La baselgia San Lurench a Sent. Bildquelle: RTR / Jachen Prevost.
-
Bild 2 von 10. L'organisatur Andri Gritti. Bildquelle: RTR / Jachen Prevost.
-
Bild 3 von 10. Bler public. Bildquelle: RTR / Jachen Prevost.
-
Bild 4 von 10. In pèr da las gidontras. Bildquelle: RTR / Jachen Prevost.
-
Bild 5 von 10. Ina bella atmosfera. Bildquelle: RTR / Jachen Prevost.
-
Bild 6 von 10. Ils Fränzlis. Bildquelle: RTR / Jachen Prevost.
-
Bild 7 von 10. Ils Janetts e lur cunmusicistas. Bildquelle: RTR / Jachen Prevost.
-
Bild 8 von 10. Durant la posa. Bildquelle: RTR / Jachen Prevost.
-
Bild 9 von 10. Mats Janett e Elizaveta Parfentyeva. Bildquelle: RTR / Jachen Prevost.
-
Bild 10 von 10. Sara Bigna Janett e ses ensemble. Bildquelle: RTR / Jachen Prevost.