Per omadus stat il biatlon en il center. Gia durant il gimnasi ha Laura Caduff cumenzà cun biatlon e fatg quai enfin avant dus onns professiunalmain. Durant in viadi en l'Australia ha ella emprais d’enconuscher a ses ami Paolo Rodigari, era sportist da professiun.
audio
Amur senza cunfin – ma tuttina cun cunfin
ord Actualitad dals 13.05.2020.
Maletg: RTR, Georg Luzzi
laschar ir. Durada: 3 minutas 4 Secundas.
Dapi l’entschatta mars betg pli s’inscuntrads
L’italia aveva communitgà a tut quels che n’abitan betg en Italia da bandunar il pajais, causa ch’els serrian il cunfin. Era Laura Caduff ha prendì cumià da ses ami, sperond da pudair s’inscuntrar bainbaud puspè. En il fratemp èsi passà diversas emnas. Il telefonin è l’unica pussaivladad da contact e da quella fan els diever mintga saira.
Cun speranza spetgan els sin l’avertura dal cunfin ma quai è anc intschert. Uschia na datti nagut auter che spetgar sin il grond di d’inscunter.