Siglir tar il cuntegn

Header

video
Dumeng Giovanoli – pli che in mez tschientaner en il circus da skis
Or da Telesguard dals 12.12.2019.
laschar ir
cuntegn

Cuppa mundiala da skis Il circus da skis a San Murezzan - tradiziun e transfurmaziun

Tut è pront per il spectacul da skis si Salastrains a San Murezzan. Las emprimas cursas da la cuppa mundiala eran vegnidas organisadas l’onn 1974 a San Murezzan – ellas èn dimena gia tradiziun. Co che tut sa ha midà durant ils onns, quai sa Dumeng Giovanoli, il caposkiunz dals onns 1960/70.

Per il spectacul da skis da questa fin d'emna è tut pront - las meglras skiunzas cumbattan per puncts e medaglias si Salastrains a San Murezzan. Avant fan ils organisaturs anc cursas da la cuppa europeica.

Quasi ina instituziun

Dapi onns adina da la partida è Dumeng Giovanoli. Per el è l'esser voluntari ina grond'onur. Ed el po dar enavos a las giuvnas atletas ed als giuvens atlets ina part da tut quai, ch'el ha pudì profitar e giudair durant ses temp da skiunz da professiun.

El è numnadamain stà l'emprim Svizzer, che ha gudagnà puncts en la cuppa mundiala. Durant ils onns 1968 fin 1970 ha el gì l'exploit da sia carriera - el ha gudagnà il slalom da Wengen ed in emna pli tard era il slalom a Kitzbühel.

Dumeng Giovanoli ha persequità l'entir svilup da las cursas en moda e maniera activa. Ed el sa far il congual tranter il circus da skis dad ozendi e quel d'avant 50 onns.

preparaziun da skis
Legenda: Il circus da skis è daventà pli ambizius RTR/U. Morell

RTR Telesguard 17:40

Artitgels legids il pli savens

Ir a sanester Ir a dretg