Fin l’onn passà era Nevin Galmarini in dals megliers snowboardists dal mund. Suenter sia retirada da l’elita ha el decis ussa da midar la vart. Sco commember dal comité d’organisaziun è el il responsabel per las medias, plinavant lavura el era sco expert per SRF.
A mai mancan quellas 10 secundas avant la cursa – ma oramai è quai uschia
Durant sia carriera activa ha el gì enorm blers contacts cun medias e sponsurs e da quella savida possia uss profitar l’organisaziun da las cursas a Scuol. Sper quella lavur sco responsabel per las medias lavura el era sco expert per SRF. El enconuscha mintga atleta ed atlet persunalmain e da quai sa SRF segira profitar.
Focus generaziun giuvna
Cun organisar questas cursas vesa Nevin Galmarini era ina gronda schanza per ils atlets futurs. Cun organisar questas cursas han ils uffants da la regiun la pussaivladad da vegnir in contact cun quest sport fascinant. E tgi sa, forsa datti en avegnir ulteriurs profis che sa participeschan a cursas mundialas ubain gieus olimpics, uschè Galmarini.
In event en la regiun, per la regiun
La situaziun da naiv e fitg buna uschè ch’ins astga spetgar bunas cundiziuns per las cursas che han lieu ils 14 da schaner 2023 sin la regiun da skis Motta Naluns a Scuol. Il effect medial è enorm grond, uschia il schef da medias. Plinavant profita era l’hotellaria e la gastronomia da quest event.
Privat lavura Nevin Galmarini tar la Postfinance. El resta dentant fiaivel al snowboard. Cun in pensum da 20% lavura el tar ina scol'auta sco coordinatur da sport d’elita e studi.