Cura che inscenaziun daventa realitad

L'ospital Engiadina Bassa vul esser pinà per cas urgents, diffizils. Cun in curs spezial per tut ils teams medicinals vul ins augmentar la segirezza da pazients e collavuraturs. Il pazient dad exercizi è ina poppa. Quella poppa po respirar, ha ina pressiun da sang u po perfin parturir in uffant.

Laschar ir video «Quasi realitad...»

Quasi realitad...

3:03 min, Actualitad video dals 10.11.2017

Modern ed intensiv – il center da sanadad Engiadina Bassa scolescha ses teams en maniera speziala. Cun ina poppa da simulaziun exerciteschan els cas urgents che pudessan esser ina gronda sfida per in team pitschen sco quel da Scuol. L’emna da scolaziun è intensiva, ma tuts pon profitar.

Noelle, la poppa che po discurrer

La poppa da simulaziun «Noelle» po perder sang, far in’attatga da gramfia u era avair deglias. Oravant decidan ils tecnicists, tge cumplicaziun che la poppa duess avair ed il team medicinal sto schliar il problem il meglier pussibel. La finamira è da lavurar bain en il team e sco team. Suenter vegn tut discussiunà en il team cun propostas da soluziun.

RR actualitad 12:00