Siglir tar il cuntegn

Header

In tren da la Viafier retica sin in plazzal.
Legenda: Las lavurs vid il tunnel Sasslatsch 1 èn quasi a fin. Keystone
cuntegn

Engiadina Curs regular da la Viafier retica en l’Engiadina

A partir da glindesdi proxim curseschan ils trens da la Viafier retica en l'Engiadina puspè tenor l'urari regular. Las lavurs da construcziun vid il tunnel Sasslatsch 1 èn uschè lunsch a fin ch’il traject da Susch a Lavin po vegnir nizzegià normal.

Durant 22 emnas vegn il tunnel da viafier dal Sasslatsch renovà e per quest intent era il tunnel da 105 onns stà serrà, communitgescha la Viafier retica. Durant quest temp è il traffic da viafier vegni svià sur il tunnel da Sasslatsch 2 ed il tunnel dal Veraina. Sco la Viafier retica scriva sajan las lavurs vid il tunnel d’ina lunghezza da 232 meters s’avanzadas fitg bain ch’il traffic po vegnir manà tenor l’urari usità tranter Scuol e Puntraschigna.

Uss ston anc vegnir fatgas pliras lavurs da finiziun. Quellas vegnan ad esser a fin la primavaira 2017, scriva la Viafier retica.

RR novitads 12:00

cdm/ma

Artitgels legì il pli savens

Nach links scrollen Nach rechts scrollen