Cursas d'orientaziun cun skis en Val Müstair

Radund 150 persunas han visità il champ tradiziunal da Ski-O Swiss durant la davosa emna da l'onn. Quest onn è quel champ stà en Val Müstair.

Andrin Kappenberg Bild in Lightbox öffnen.

Legenda da maletgs: Il curridur d'elita Andrin Kappenberg durant la cursa a Tschierv Martin Jörg

Sin l'areal che las cursas dal Tour de ski han lieu en la Val Müstair han era quest onn gì lieu cursas: Las cursas ed ils trenaments da l'emna da Ski-O Swiss.

Quai è l'uniun dals sportists che fan cursas d'orientaziun cun skis da passlung. Ski-O Swiss fa ses champ tradiziunal la fin da l'onn normalmain in onn en il Valais e l'onn sisur en l'Engiadina. Cunquai ch'i n'ha dentant betg gì spazi en l'Engiadina ha il champ quest onn gì lieu en Val Müstair. La vischnanca saja stada fitg averta uschia hajan ins pudì realisar ils trajects per las cursas.

In sport da famiglia

Tenor Lukas Stoffel, il president da Ski-O Swiss, è cursa d'orientaziun - cun u senza skis da passlung - in sport per famiglias. Uschia saja quai era bain pussaivel che participants da l'emna en Val Müstair turnan puspè sco turists en la regiun.