Siglir tar il cuntegn

Header

Vista sin la Val Müstair
Legenda: Val Müstair Il cussegl communal vegn crititgà d'ina gruppa d’abitants. RTR, H.Thom
cuntegn

Engiadina Cussegl communal da Val Müstair survegn critica

Ina gruppa che sa numna «gruppa d’abitants chi’s fan pissers per nos cumün» metta en dumonda l’agir dal cussegl communal. En ina broschura da 12 paginas preschenta ella sia critica.

Da quai da 20 puncts menziunescha la gruppaziun en sia broschura e crititgescha cun quai l’agir da la suprastanza communala da Val Müstair. En emprima lingia vai per las finanzas. Ils lavurers communals hajan ina paja memia auta e giain memia ditg a baiver café è ina da las criticas. Plinavant vegnan crititgads projects forestals e la surdada da lavurs. La finamira da la gruppaziun saja da megliurar la situaziun finanziala ed economica da Val Müstair.

Sco quai ch’il president communal Arno Lamprecht ha ditg prendia el serius la critica. El stoppia uss valitar ensemen cun sia suprastanza ils puncts da critica. Pir lura possia el prender posiziun en chaussa.

Artitgels legids il pli savens

Scrollar a sanestra Scrollar a dretga