Siglir tar il cuntegn

Header

cuntegn

Cussegliaziun per geniturs L’Engiadin’Ota surpiglia era l’Engiadina Bassa

La cusseglieras da l‘Engiadin’Ota surpiglian era la regiun Engiadina Bassa, quai causa mancanza d’uffants.

Las naschientschas sajan sa diminuidas en congual cun il temp avant la pandemia da corona, uschia Rebekka Hansmann, la directura “Tgira” dal Center da sanadad Engiadina Bassa. Avant corona naschivan radund 60 uffants en la regiun Engiadina Bassa, ussa è quella cifra sa diminuida sin radund 40.

Causa pensiunament da la dunna che cussegliava en Engiadina Bassa han ins decis da collavurar cun las cussegliadras da l’Engiadin’Ota. Questa decisiun saja crudada en collavuraziun cun l’Uffizi da sanadad dal Grischun, uschia Rebekka Hansmann. Plinavant haja era l’aspect economic giugà ina rolla pro la decisiun.

audio
Cusseglieras da l’Engiadin’Ota surpiglian era l’Engiadina Bassa
ord Actualitad dals 15.12.2023. Maletg: RTR
laschar ir. Durada: 2 minutas 22 Secundas.

Per ils geniturs dad uffants a partir da la naschientscha enfin la scolarisaziun na datti però betg gronds midaments. La purschida resta enavant, las cussegliadras vegnan ad esser er en avegnir telefonicamain ed era persunalmain cuntanschiblas en Engiadina Bassa. Il midament ha lieu a partir dal schaner 2024.

RTR actualitad 12:00

Artitgels legids il pli savens