Tatta e tat han lavurà cun la tabla e cun la crida, mamma e bab cun palpiri e la generaziun giuvna cul i-Pad. Il plan d’instrucziun prevesa l’introducziun da la digitalisaziun en scola. Zernez fa l’emprim pass en quella direcziun.
I-Pad a partir dal onn da scola 2017/18
Mintg’uffant a partir da la 7avla classa survegn in i-Pad. Cun quel lavuran els en quasi tut ils roms da scola, da matematica, istorgia, lingua enfin l’introducziun da l’etica. Er las uras da cuschinar èn previsas da digitalisar.
Radund 1000 francs al mais paja la vischnanca da Zernez per tut l’infrastructura. Mintg’uffant retschaiva per 3 onns il i-Pad lura vegn quel puspè returnà a la scola.
Il magister ha la controlla totala
Il magister ha la controlla sur da mintga i-Pad in scola, el da liber las datas d’instrucziun, el ha la controlla da mintga pagina d’internet visitada e da liber ils app’s necessaris. Il magister instruescha e retschaiva las lezias dals uffants – tut digital.