Il project da la bieraria Engiadina ha cumenzà fitg fitg pitschen ed è ussa daventà pitschen. Dapi passa sis onns vegnan producidas a Puntraschigna bieras spezialas per l'Engiadin'Ota. Ussa è la bieraria vegnida ingrondida e professiunalisada.
Cumenzà ha tut sco hobi. L’onn 2009 ha Daniel Käslin fat per l’emprima giada biera. Quai a chasa en cuschina. Sis onns pli tard ha el uss ina bieraria che po producir var 2'500 buttiglias biera per di.
audio
Saira: Schlargiament da la bieraria a Puntraschigna
02:49 min, ord Actualitad dals 15.06.2016.
laschar ir. Durada: 2 minutas 49 Secundas.
L’engrondiment professiunalisescha
En la bieraria veglia era tut magari pitschen - differents pass da lavur han ins stuì far quasi al medem lieu. Uss è tut pli grond e duas maschinas surpiglian lavurs impurtantas. Ina maschina embuttigliescha e l’autra tatga si las etichettas. Il rest da las lavurs restan lavurs a maun.
La bieraria la pli auta da la Svizra
Era scha la bieraria è en cumparegliaziun cun las autras anc magari pitschna – ella ha sias spezialitads. Ella è la pli auta da l’entira Svizra. L’aua che vegn duvrada è da Puntraschigna e quella saja ina da las meglras.
La schelta è vasta
L’emprima biera era la Bernina – fin il di dad oz producescha la bieraria Engiadina sis differentas bieras, da cleras enfin stgiras. Per il producent da biera Daniel Käslin èsi impurtant ch’els possian reagir sin giavischs e gusts dals consuments.
1 / 8
Legenda:
La bieraria è installada en duas garaschas.
RTR, U. Morell
2 / 8
Legenda:
Inauguraziun
Ils 18.06.2016 è il di da las portas avertas.
RTR, U. Morell
3 / 8
Legenda:
La producziun d'ina biera dura tanter 3 fin 6 emnas.
RTR, U. Morell
4 / 8
Legenda:
Durant la lavur d'embuttigliar lavuran var 6 persunas vid las maschinas novas.
RTR, U. Morell
5 / 8
Legenda:
L'emprim pass è da lavar las buttiglias. Quest mardì e vegni emplenì per l'emprima giada la biera Bernina cun las maschinas novas.
RTR, U. Morell
6 / 8
Legenda:
Las novas maschinas empleneschan per in di var 2'500 buttiglias biera.
RTR, U. Morell
7 / 8
Legenda:
Las etichettas da las buttiglias vegnan uss tatgadas si automaticamain.
RTR, U. Morell
8 / 8
Legenda:
En tut producescha la bieraria Engiadina a Puntraschigna 6 differentas bieras
RTR, U. Morell
