Siglir tar il cuntegn

Header

Navigaziun

cuntegn

Engiadina «Da princip san dunnas far tut – e quai fitg bain»

Dapi la mesemna mussa il nov «Muzeum Susch» art concepziunala cun il focus feminin. Per l'emprima exposiziun en ses nov museum ha la mezena e milliardaria polaca Grazyna Kulczyk tschernì ovras or da sia collecziun per mussar il potenzial da las dunnas.

Portrait.
Legenda: «Ina dunna che guarda umens che guardan dunnas» è l'emprima exposiziun da Grazyna Kulczyk en ses «Muzeum Susch». Keystone

Durant trais onns eri vegnì construì a Susch ed uss è l'ovra da la mezena e milliardaria polaca Grazyna Kulcziyk pronta per il public: Il «Muzeum Susch» ha avert sias portas cun l'emprima exposiziun. La sonda passada è stada la vernissascha cun visitaders da dalunsch e damanaivel.

Tranter ils preschents ha la possessura dal Muzeum, Grazyna Kulcziyk, er savì beneventar prominenza da la Pologna – sco per exempel l'anteriur president da la Pologna Aleksander Kwaśniewski:

Legenda: Guardar il video Bainvegni a la vernissascha dal Muzeum. Durada 00:16 minutas.
Or da Actualitad video dals 02.01.2019.

En l'emprima exposiziun da ses Muzeum vegnan mussadas ovras ord la collecziun da Grazyna Kulcziyk. L'intenziun saja da mussar art concepziunal cun in focus feminin e dar da reflectar – davart las rollas dad umens e dunnas:

Legenda: Guardar il video Art che fa reflectar. Durada 01:57 minutas.
Or da Actualitad video dals 02.01.2019.

En l’exposiziun «Ina dunna che guarda umens che guardan dunnas» duajan vegnir envidads ils visitaders dad ir en tschertga da las diversas fassettas dal feminin ed il feminissem – e quai anc fin ils 30 da zercladur 2019.

«Ina dunna che guarda umens che guardan dunnas»

Personen-Box aufklappenPersonen-Box zuklappen

L'exposiziun mussa ovras da: Carla Accardi, Evelyne Axell, Magdalena Abakanowicz, Helena Almeida, Ida Applebroog, Mirosław Bałka, Maria Bartuszová, Renate Bertlmann, Judith Bernstein, Louise Bourgeois, Geta Brătescu, Ellen Cantor, Dadamaino, Marlene Dumas, Nicole Eisenman, Wojciech Fangor, Lucio Fontana, Laura Grisi, Dorothy Iannone, Birgit Jürgenssen, Kiki Kogelnik, Maria Lassnig, Natalia LL, Sarah Lucas, Roman Ondak, Teresa Pągowska, Carol Rama, Erna Rosenstein, Iris von Roten, Carolee Schneemann, Sylvia Sleigh, Joan Semmel, Alina Szapocznikow, Betty Tompkins, Julie Verhoeven, Hannah Wilke und Andrzej Wróblewski.

TR Telesguard 17:40