Siglir tar il cuntegn

Engiadina Da Shandong en China a Tschlin

Corsin Biert da Scuol prevesa da realisar in center da sanadad cul num «bainesser». 3 muntgs da la provinza da Shandong en China vegnan ad instruir il Shaolin, Tai Chi e Kung Fu.

La veglia chasa da scola en la fracziun da Tschlin en la vischnanca da Valsot ha chaschunà per bleras rumpatestas. Tge dess daventar or da quellas localitads. Ussa han ins chattà la soluziun, in center da sanadad.

Trais muntgs da la China

Il center da sanadad dess porscher purschidas che derivan dal vest, numnadamain il Shaolin, Tai Chi el Kung Fu e quai or da prim man. Trais muntgs da la provinza da Shandong vegnian in Svizra. Quai è unic en Europa. Per retschaiver ils permiss haja fatg basegn da gronds sforzs, uschè il maina gestiun e iniziant Corsin Biert da Scuol.

La populaziun da Valsot è persvasa da la purschida e d’avair finalmain chattà ina soluziun per la veglia scola a Tschlin. Il center da sanadad «Bainesser» vegn ad avrir las portas ils 01.04.2017.

RR actualitad 07:00