Cun talent e perseveranza ha ella gia uss success cun ses products, ch'èn creads a moda e maniera fina e professiunala. Suenter la carriera sco skiunza professiunala ha Elena Gilli tschertgà ina nova vocaziun. Per ella èsi adina stà cler, ch'ella vul far insatge cun ils mauns. Perquai è ella sa decidida per la cheramica ed è uschia s’inscritta per in curs da trais mais per emprender quest mastergn.
Avant la crisa da corona ha ella pudì dar curs da cheramica a Zug – e vender ses products, che han fitg svelt chattà buna accoglientscha tar la clientella. Uss è ella turnada da Zug en Engiadina per pudair lavurar sco magistra da skis e per sa deditgar en il tschaler da ses geniturs a sia passiun – la cheramica.
audio
Elena Gilli – l'anteriura skiunza fa uss cheramica
ord Actualitad dals 08.02.2021.
laschar ir. Durada: 2 minutas 32 Secundas.