Siglir tar il cuntegn

Header

cuntegn

Engiadina Dapli aua restanta, ma pauc damain entradas

Las vischnancas concessiunarias tranter S-chanf e Valsot, la Corporaziun Energia Engiadina CEE ha elavurà ina proposta per sanar las auas restantas da las ovras idraulicas da la regiun.

La sanaziun da las auas restanzas è stada ina da las tractandas da la radunanza da delegads da la CEE da venderdi saira. La sanaziun è necessaria per ademplir las pretaisas dad ina revisiun da la lescha federala per proteger las auas. La CEE propona correcturas da las auas restantas, uschia duai per exempel la Clemgia a Scuol avair dapli aua restanta en avegnir. Dapli aua restanta vul dentant dir damain producziun d'energia ed uschia damain entradas dals fits d'aua.

Entradas dals fits crudassan be pauc

La CEE ha dentant proponì ina soluziun nua che las entradas dals fits d'aua per las vischnancas crudassan per gnanc 2%. Cifras concretas na pon ins anc betg numnar pervi che la proposta sto anc vegnir acceptada da las Ovras electricas Engiadina e da tut las vischnancas tranter S-chanf e Valsot. La soluziun definitiva vegn preschentada en mars.

Artitgels legids il pli savens