Deficit per Corvatsch SA malgrà bunas frequenzas d'enviern

La Corvatsch SA annunzia in deficit da radund 300'000 francs malgrà che las frequenzas durant la stagiun d'enviern èn creschidas. Las frequenzas durant la stad dentant èn flaivlas.

staziun da muntogna Corvatsch Bild in Lightbox öffnen.

Legenda da maletgs: Grondas investiziuns per l'avegnir da las pendicularas Corvatsch 27 miliuns francs duain pisserar per infrastructura moderna da la Corvatsch SA Corvatsch SA

Las pendicularas Corvatsch SA preschentan in deficit da gestiun da radund 300'000 francs a lur acziunaris. Quai mussa il rapport annual 2013/2014 da Corvatsch. La pendiculara ha pudì augmentar las frequenzas d'enviern per passa 5%, las frequenzas d'enviern èn sa sminuidas per passa 4%. Il transport da persunas durant l'enviern porta entradas da passa 10 milliuns francs. Il transport da persunas durant la stad dentant porta be bun 800'000 francs. Perquai discuta il cussegl administrativ intensivamain la dumonda sch'ins duai cuntinuar cun la gestiun durant la stad.

Investiziuns da 27 milliuns francs fin l'onn 2017

La Corvatsch SA è londervi da concretisar la strategia d'investiziuns communitgada la stad 2014. L'interpresa ha decidì d'augmentar il chapital d'aczias e prevesa investiziuns da radund 27 milliuns francs. Quai per remplazzar 3 sutgeras e las cabinas da la pendiculara Furtschellas. Tut quels projects duain esser realisads per il champiunadi mundial da skis 2017 a San Murezzan.