Siglir tar il cuntegn

Header

cuntegn

Destinaziun turistica EO Novas structuras e cussegl administrativ

La destinaziun turistica da l’Engiadin’Ota, ESTM SA, concretisescha la nova orientaziun da l’organisaziun. La radunanza generala extraordinaria ha numnadamain decis unanimamain da schlargiar il cussegl administrativ da 4 sin 6 persunas – Kurt Bobst è vegnì confermà sco president, scriva l’organisaziun.

Il nov cussegl administrativ da la destinaziun turistica EO
Legenda: Il nov cussegl Dr. Reto Wilhelm, Bettina Bülte, Richard Plattner, Kurt Bobst, president, Dr. Andrea Belliger e Martin Barth. MAD, Miriam Roth

Novs statuts e chapital d’aczias reducì

Cun quai che la vischnanca da San Murezzan na fa betg pli part da l’acziunariat existent, mida l’organisaziun ils statuts e reducescha il chapital d’aczias per la cumpart da San Murezzan, pia da 250'000 sin 164'000 francs. Vinavant mida il num da l’organisaziun nov sin Engiadina Turissem SA. Tut las midadas capitan per il principi da l’onn 2024. La primavaira duain las singulas vischnancas decider davart la cunvegna da prestaziun futura e la collavuraziun cun la vischnanca da San Murezzan.

RTR novitads 12:00

Artitgels legids il pli savens