Siglir tar il cuntegn

Header

video
Malgrà pandemia - Arno Galmarini e ses fitness cun schlantsch tras la crisa
Or da Telesguard dals 18.10.2021.
abspielen. Laufzeit 3 minutas 31 Sekunden.
cuntegn

Di da las portas avertas Cun forza, elan e grond’energia tras la pandemia

Origym, il nov center da fitness a Scuol festivescha ses emprim onn da giubileum. Quai cun porscher durant il di differentas classas gratuitamain ed ina pitschna festa la saira. Uschia vul la squadra dad Origym dir grazia a lur clientella per esser stada fidaivla durant in onn tut auter che normal.

Apaina pudair avrir e pauc pli tard puspè stuair serrar las portas. Uschia pon ins descriver curt e bain la situaziun da fatschenta dal manader dad Origym, Arno Galmarini avant in onn. Suenter avair manà plirs onns e cun grond success in studio da fitness per sportistas e sportists professiunals en la Bassa, ha l’um da 38 onns che deriva oriundamain dad Ardez, sa decidì da puspè returnar en patria. Quai perquai ch’il manader da l'anteriur center da fitness a Scuol gieva en pensiun. E lura, è vegnì corona. Cunquai che las localitads eran gia en construcziun, è Arno Galmarini sa decidì encunter il svilup da la pandemia da tuttina trair tras sia idea. En retrospectiva, ina decisiun ch’el na s’enricla betg, dentant in temp ch'è stà fitg pretensius.  

audio
Scuol: In onn center da fitness da Galmarini
aus Actualitad vom 16.10.2021.
abspielen. Laufzeit 3 minutas 2 Sekunden.

Dad in mument sin l’auter e curt suenter l’avertura ha quai numnadamain gì num per la segunda giada puspè: Lockdown.

Quai era segiramain ina gronda sfida, dentant erel jau adina optimistic, perquai che nus eran pli che conscients tge che spetgava.
Autur: Arno Galmarini manader Origym

Pia, ina situaziun ordvart difficila. La squadra dad Origym ha dentant fatg il meglier ord la situaziun. Cun esser in zichel creativ e porscher durant las restricziuns lecziuns ordador, han ins pudì surviver quest temp problematic e quai dal rest senza stuair dumandar agid finanzial dal stadi. Da quest fatg saja Arno Galmarini spezialmain superbi.

Ed uss?

Origym haja tenor Arno Galmarini in grond potenzial per l’avegnir. Quai oravant tut pervia da la filosofia da trenament cumplettamain differenta d’in studio da fitness ordinari. Tgi che fa fitness a Scuol survegn in trenament funcziunal, sco ina sportista u in sportist professiunal. La finamira na saja en emprima lingia betg mo da furmar singuls musculs cun differents pais, mabain dad optimar tut il corp cun trenaments cumplessivs.  

RTR actualitad 07:00

Artitgels legids il pli savens

Scrollar a sanestra Scrollar a dretga