Siglir tar il cuntegn

Header

video
Finalmain puspè festa da musica a Val Müstair
Or da Telesguard dals 27.06.2022.
laschar ir. Durada: 4 minutas 38 Secundas.
cuntegn

Di da musica Val Müstair Il virus ha dà en il tact e betg pli la musica

La Val Müstair ha organisà l’emprim inscunter dal district 1 da l’Uniun chantunala da musica dal Grischun district 1 suenter la pandemia.

Il plaschair è grond, giuven e vegl dastgan puspè s’inscuntrar per far musica davant public. 14 furmaziuns dal district 1 e duas musicas dal Vnuost èn sa participadas al di da musica en la Val Müstair. Suenter dus onns pausa sfurzada dastgan els finalmain sa preschentar sin il palc.

Ma il temp da corona ha procurà che diversas musicantas e musicants han laschà lur instrument en stgaffa. Musicantas e musicants da la generaziun pli veglia han constatà ina tscherta libertad cun betg pli ir a las provas, ils giuvens han chattà autras occupaziuns.

audio
Il virus ha dà en il tact e betg pli la musica
ord Sport ed actualitad dals 26.06.2022.
laschar ir. Durada: 3 minutas 37 Secundas.

Ussa valia da svegliar puspè il plaschair

Per il president dal district 1 Jachen Kienz da Ramosch ston ussa las societads far in sforz per animar a quellas e quels da star danovamain si dal banc-pigna. Oravant tut per las giuvnas e giuvens èsi da chattar soluziuns attractivas per animar da sa participar. Per Jachen Kienz vegn quai ad esser ina da las sfidas centralas dals proxims onns per che las musicas communalas possian surviver era en l'avegnir.

RTR actualitad 17:00

Artitgels legids il pli savens

Scrollar a sanestra Scrollar a dretga