L'uffizi da construcziun bassa dal Grischun ha preschentà a la populaziun il stadi da lavur en il tunnel da sviament da Silvaplauna. Il di dal tunnel avert è stà in success - schurmas èn arrivadas.
L'onn 2018 duai esser uschenavant: l’avertura dal sviament a Silvaplauna. Cun in «di da las portas avertas» per la populaziun ha l’uffizi da construcziun bassa preschentà il stadi actual da las lavurs.
Anc 100 meters mancan
Ils ultims 100 meters mancan anc fin tar la perfuraziun. Il tunnel vegn ad esser 750 meters lung. La perfuraziun duai succeder l’entschatta avust 2016.
audio
Bunura: Di public per guardar il tunnel da sviament
02:31 min, ord Novitads dals 13.06.2016.
laschar ir. Durada: 2 minutas 31 Secundas.
Cuntentezza tar ils da Silvaplauna
Tut il traffic che vegn da l’Engiadina e da las vals dal sid vers il pass dal Güglia u viceversa circulescha actualmain tras il vitg da Silvaplauna. In grond disturbi per las abitantas ed abitants. A partir dal 2018 vegnan els deliberads da la lavina d’autos che passa mintga di sur il pass da Güglia.
Il tunnel ha duvrà pazienza
Sche tut fiss ì tenor plan, fiss l'avertura dal tunnel e dal svimament stada planisada l'onn 2016. Pervia dad ina dispita giuridica durant la surdada da las lavurs ch'è arrivada enfin davant il Tribunal federal hai dà in retard da dus onns. Uss va però tut tenor plan e las lavurs avanzan bain.
1 / 6
Legenda:
Sviament da Silvaplauna
La perspectiva or da l'aria dal proget "Sviament da Silvaplauna". Entschatta da las lavurs 2010 e l'inauguraziun è planisada dal 2018. Ils custs importan 70 milliuns francs
MAD uffizi da construcziun bassa GR
2 / 6
Legenda:
La sontga Barbara
La sontga Barbara protegia ils construiders da tunnels ed ils porta furtuna. Ella è staziunada tar l'entrada dal tunnel da Silvaplauna.
RTR/G. Luzzi
3 / 6
Legenda:
Las maschinas
Las maschinas èn prontas per lavurar vinavant.
RTR/G. Luzzi
4 / 6
Legenda:
Ils visitaders ed il manader da construcziun
La populaziun è arrivada en fulla - l'interess è stà fitg grond.
RTR/G. Luzzi
5 / 6
Legenda:
Preparaziun per la siglientada
Questa maschina fa las foras per deponer il dinamit. Enfin al di dad hoz han ins siglientà il grip var 180 giadas. Totalmain ha il tunnel ina lunghezza da 750 meters.
MAD uffizi da construcziun bassa GR
6 / 6
Legenda:
Impressiun durant la lavur
Las lavurs han entschiet in matg dal 2015 suenter ina bloccada da construcziun da dus onns.
MAD uffizi da construcziun bassa GR
