Siglir tar il cuntegn
Inhalt

Engiadina Diavolezza cumenza stagiun da skis in'emna pli tard

Las temperaturas d'atun n'han betg permess da preparar ina buna pista, perquai è la Diavolezza Lagalb SA sa decidida da spustar l'avertura per in'emna.

Sguard sin la pista sin il glatscher da la Diavolezza. In bindé larg alv ch'è enramà da la grippa da la muntogna. Als urs da la pista sa chattan raits da segirezza cotschens.
Legenda: In emna pli tard che planisà cumenza per la Diavolezza quest onn la stagiun da skis. RTR, Riccarda Müller

Dapi intgins onns vegn il glatscher sin la Diavolezza zuglià durant la stad cun ina cuverta per proteger quel. Suenter ch'ils lavurants han prendì davent la cuverta quest atun è la vetta da naiv sa transfurmada en ina vetta da glatsch. Quai pervia da las notgs fraidas ed ils dis miaivels.

Perquai ch'igl è era stà pussaivel mo durant las notgs d'ennavar è la Diavolezza Lagalb SA sa decidida da spustar l'avertura per in'emna. Fin lura è il schef, Markus Moser optimistic da pudair porscher als skiunz ina pista ideala.

Tuttina skiunzs sin il glatscher

La pista vegn tuttina inaugurada ils proxims dis. Atlets da Swiss Ski vegnian numnadamain era quest onn a trenar sin la Diavolezza. Per quels sajan las cundiziuns idealas, uschia Moser.

Tut quels ch'hajan cumprà in bigliet cun il Snow Deal per questa fin d'emna possian duvrar quel era l'emna proxima.

RR actualitad 17:00