Dieter Meier prenda a fit chasa en la Val Fex

Il chantadur, scriptur, artist e producent svizzer Dieter Meier ha prendì a fit ina chasa en la Val Fex en l’Engiadin’Ota. Igl è quella chasa ch’il dirigent Claudio Abbado aveva fittà durant blers onns.

Purtret da Dieter Meier durant chantar Bild in Lightbox öffnen.

Legenda da maletgs: Dieter Meier, il chantadur da Yellow. Keystone

Dieter Meier posseda chasas sin l’entir mund, tranter auter era en l’Argentina u a Los Angeles en ils Stadis Unids da l’America. La chasa ch’el ha uss prendì a fit en la Val Fex munta per el dentant bler dapli. Quest lieu è per Meier in lieu da ruaus, in lieu senza lavur.

Gia sco giuvenil ha Dieter Meier passentà bler temp da vacanzas en la Val Fex. Dapi blers onns è el fascinà da la val e questas chasas tradiziunalas. Ses siemi è adina stà da posseder ina gia ina da quellas chasas. Quest siemi è uss ir en vigur.