Engiadina - Disciplina è l’A e l’O per in «Maître d’hôtel»

Claudio Molinari, che deriva oriundamain da Cremona en l’Italia, viva oz cun sia famiglia a Schlarigna. El ha passentà sia vita professiunala en differents pajais. Uschia ha Molinari lavurà en la Sardegna, en l’Egipta ed er a Londra. Ses servetschs sajan però er vegnids preziads fitg durant ses segiurn en l’Australia ubain a Minca.

audio

Mezdi: La carriera da Claudio Molinari, primcamerier dal Suvretta House a San Murezzan

04:19 min, ord Actualitad dals 20.05.2015.

laschar ir. Durada: 4 minutas 19 Secundas.

Il savair che Claudio Molinari ha ramassà suenter avair servì passa 40 onns en la gastronomia, saja betg pajabel. Impurtant per el saja però, da pudair dar vinavant quel. Ed el laschia far ils giuvens sez lur experientschas, natiralmain adina cun in’egliada pli severa dal primcamarier, di Molinari.

Claudio Molinari ch’ha manà fin 80 camarieras e camariers en la chasa da 5 stailas, va la fin dal matg 2015 en pensiun. Ad el succeda puspè in Talian, Marco Pavesi.

RR Actualitad da mezdi 11:00