Siglir tar il cuntegn

Header

video
Tranter ospital e chatscha
Or da Telesguard dals 22.09.2021.
laschar ir
cuntegn

Disfuncziun da gnirunchel Tranter hocs da chatscha e dialisa

Da pitschen ensi ha Ladina Näff da Ramosch problems da sanadad. Tar ella èsi numnadamain vegnì constatà gia da matta ina disfuncziun dals gnirunchels. Suenter che l’Engiadinaisa ha survegnì l’onn 2007 in gnirunchel da sia mamma ha ella pudì viver plirs onns ina vita normala.

audio
Ladina Näff tranter dialisa e chatscha
03:10 min, Actualitad dals 22.09.2021.
laschar ir. Durada: 03:10 minutas.
Suenter ch'jau hai gì il nov gnirunchel ma sentiv jau sco in lieuret da duracell. Jau hai gì in’energia ed ina forza enorma – simplamain bombastic!
Autur: Ladina Näff Ramosch

Schonglar tranter dialisa e chatscha

Avant radund trais onns n’ha il gnirunchel però betg pli funcziunà sco giavischà. La consequenza è ina dialisa regulara, fin ch’ella chatta in donatur per in’ulteriura transplantaziun d’in gnirunchel. Sin la rutina fixa na po la chatschadra passiunada er betg desister durant ses pli bel temp da l’onn – la chatscha. Uschia banduna la dunna da 40 onns trais giadas l’emna gia la bun’ura baud ses hoc e sa metta sin il viadi vers Tavau nua ch’ella fa la dialisa.

Quai è schont in stress surpli. Però quai tutga uss simplamain tiers. Jau n’hai nagin’autra alternativa. Senza maschina na vai numnadamain betg. Suenter 10 dis senza maschina fiss jau tissientada.
Autur: Ladina Näff Ramosch

«Il gnirunchel vegn»

La speranza che Ladina Näff chatta in donatur d’in gnirunchel è gronda. Per ella vegn però be en dumonda ina donaziun d’ina persuna viva. Quai ord il motiv che la durada da vita d’ina donaziun post mortala è per regla pli curta. Tuttina è Ladina Näff persvadida ch’il di da la segunda transplantaziun vegn. Ch’i dovria simplamain pazienza e speranza, uschia l’Engiadinaisa.

RTR actualitad 17:00

Artitgels legids il pli savens

Scrollar a sanestra Scrollar a dretga