Durant ils ultims diesch onns han ils responsabels gidà gia diversas famiglias en l'Engiadina ed en las Vals dal Sid. L'associaziun organisescha per famiglias cun uffants cun impediment persunas che tgiran ils uffants impedids, che gidan a far l'economia da chasa u che sustegnan la famiglia era cun organisar termins.
40 famiglias en diesch onns
Uschia ha l'associaziun «ProTemp» accumpagnà fin il di dad oz 40 famiglias cun differentas diagnosas, sco per exempel autissem, Trisomia 21 e cerebralparesa.
Ils collavuraturs
Tar la «ProTemp» lavuran laics cun experientscha en il sectur da sanadad, e persunas ch'han lavurà gia cun persunas cun impediment. En tut lavuran tar l'associaziun 20 gidantras e gidanters.
Simpel e pitschen
La filosofia è da pudair lavurar a moda simpla senza gronda birocrazia. L'associaziun viva da donaziuns e vul che tut ils raps vegnan direct a bun a las pertutgadas ed als pertutgads.
RR actualitad 17:00