Mintga dus onns ha lieu il champ da musica organisa dal district da musica 1, numnadamain dal district Engiadina, Samignun, Val Müstair, Puschlav e Bregaglia.
Musicantas e musicants da las singulas vischnancas han la pussaivladad da giugar ina giada cun in dirigent professiunal, quest onn cun il dirigent grischun Gian Stecher, tranter auter il dirigent da la «Grischun Brass».
L’idea è naschida gia ils onns 90. Curdin Brunold, da quel temp en la cumissiun da musica districtuala, ha inizià e concepì questa idea. Quella giada cun 90 participantas e participants. Oz èn 60 musicantas e musicants s’entupads.
Sper l’amicizia sa tracti en emprima lingia da promover bunas musicistas e buns musicists da la musica dal vitg
Durant ina fin d’emna vegni giugà intensivamain cun la finamira da pudair sa preschentar al concert final ils 30 d’october en la sala polivalenta Promulins a Samedan.