Las cifras èn pauc bunas – entaifer paucs onns è sa diminuida la cifra dals peschs en l'aual da Sax tranter Samedan e Bever per 70%. Oriundamain era quel aual stimà tar ils peschs per fregar, metter lur ovs. Dapi che la ludra e l'irun grisch vivan en Engiadin’Ota è l’aual da Sax quasi vid.
Sin in tablet da servir
Il motiv è che quest aual n’ha betg avunda structura. Structura per pudair sa zuppar da la ludra e da l'irun grisch. Ils peschs vegnan là preschentads a quels dus predaturs sco sin il tablet da servir. Per mantegnair e proteger meglier la forella han ils responsabels ensemen cun chatschaders e pestgaders da l’Engiadin’Ota lavurà in di en l’aua ed a la riva dal flum per dapli structura e per dapli diversitad.
Quest project cun sias mesiras dad «instream» è unic. Il survegliader da pestga Linard Jäger è persvas che quest project gidia als peschs a partir dad immediat.
